• ເພື່ອເປັນການໃຫ້ຂໍ້ມູນທາງດ້ານສຸຂະພາບຈະເລີນພັນ ແລະ ທັກສະການດໍາລົງຊິວິດຂັ້ນພື້ນຖານໃຫ້ແກ່ເຍົາວະຊົນ ແລະ ໄວໜຸ່ມຍິງ-ຊາຍທີ່ເຂົ້າຮ່ວມການຝຶກອົບຮົມ ໄດ້ຮຽນຮູ້ ແລະ ເຂົ້າໃຈ ທັງເປັນການສ້າງຄວາມອາດສາມາດໃຫ້ແກ່ເຂົາເຈົ້າ.
• ເພື່ອຊ່ວຍໃຫ້ໄວໜຸ່ມໄດ້ມີທັກສະໃນການປ້ອງກັນຕົນເອງຈາກຄວາມສ່ຽງຕ່າງໆ ພ້ອມທັງຮູ້ຈັກວິທີຊອກຫາຊ່ອງທາງແກ້ໄຂບັນຫາທີ່ເຂົາເຈົ້າພົບພໍ້ໃນປັດຈຸບັນກ່ຽວກັບບັນຫາທາງດ້ານສຸຂະພາບຈະເລີນພັນ, ສີ່ງເສບຕິດ ປະກົດການຫຍໍ້ທໍ້ໃນສັງຄົມ ແລະ ຮູ້ຈັກສະຖານທີ່ບໍລິການທີ່ເປັນມິດ ແລະ ເໝາະສົມສຳລັບເຂົາເຈົ້າ.

• ເພື່ອສ້າງໃຫ້ໄວໜຸ່ມໄດ້ກາຍເປັນອາສາສະໝັກເພື່ອນຊ່ວຍເພື່ອນ ທີ່ສາມາດສົ່ງຕໍ່ຂໍ້ມູນໄດ້.
• ເພື່ອເປັນການສ້າງຄວາມອາດສາມາດໃຫ້ແກ່ອາສາສະໝັກໃນການເຜີຍແຜ່ຂໍ້ມູນ - ໃຫ້ຄຳປຶກສາແກ່ໝູ່ເພື່ອນຂອງພວກເຂົາ ເວລາມີບັນຫາ ຫຼື ແນະນຳ ສະຖານທີ່ບໍລິການກວດສຸຂະພາບທີ່ຖືກຕ້ອງ ແລະ ເໝາະສົມ.
• ເພື່ອເປັນການແລກປ່ຽນ ແລະ ຮັບຟັງບັນຫາ ແລະ ປັດໄຈສ່ຽງຕ່າງໆທີ່ໄວໜຸ່ມພົບພໍ້ ພ້ອມທັງຫາຊ່ອງທາງແກ້ໄຂທີ່ດີທີ່ສຸດ ໃຫ້ແກ່ພວກເຂົາເຈົ້າ.

• ເພື່ອສ້າງ ອາສາສະໝັກໃຫ້ກາຍເປັນນັກໃຫ້ຄໍາປຶກສາ.
• ເພື່ອຊ່ວຍໃຫ້ ອາສາສະໝັກ ມີຄວາມຮູ້, ຄວາມສາມາດ, ມີທັກສະໃນການໃຫ້ຄໍາປຶກສາ ແລະ ຮູ້ເຄື່ອຄ່າຍໃນການສົ່ງຕໍ່ໃຫ້ເຂົ້າເຖິງການບໍລິການທີ່ຖືກຕ້ອງ ເປັນມິດ ແລະ ປິດລັບ.

• ເພື່ອໃຫ້ຜູ້ເຂົ້າຮ່ວມໄດ້ທໍາຄວາມເຂົ້າໃຈຕື່ມກ່ຽວກັບທັກສະຕ່າງໆຂອງຄູຝຶກເພີ່ມຂື້ນ.
• ເພື່ອໃຫ້ຜູ້ເຂົ້າຮ່ວມສາມາດຮູ້ເທັກນິກ ແລະ ວິທີການແກ້ໄຂບັນຫາຂອງຄູຝຶກ.

ເພື່ອເປັນບ່ອນອີງໃຫ້ແກ່ຜູ້ໃຫ້ບໍລິການດ້ານສຸຂະພາບ ແລະ ພະນັກງານຜູ້ທີ່ເຮັດວຽກກັບໄວໜຸ່ມໃຫ້ມີຄວາມຮູ້ ແລະ ທັກສະການໃຫ້ຄໍາປຶກສາຂັ້ນພື້ນຖານໂດຍສະເພາະແມ່ນວິທີການບໍລິການໃຫ້ຄໍາປຶກສາແບບເປັນມິດ, ປິດລັບ ແລະ ເໝາະສົມສໍາລັບໄວໜຸ່ມ ເຊິ່ງເນື້ອໃນເອກະສານທີ່ພວກເຮົາສ້າງຂື້ນແມ່ນປະກອບມີ 2 ສ່ວນ ພາກໃຫຍ່ຄື : ພາກທີ 1: ກິດຈະກໍາ ກ່ອນການຝຶກອົບຮົມ. ພາກທີ 2: ວິທີການ ແລະ ເນື້ອໃນຂອງບົດສອນ ປະກອບມີ 8 ບົດຮຽນເຊັ່ນ: ການບໍລິການທີ່ເປັນມິດໂດຍສັງເຂບ, ການໃຫ້ຄຳປຶກສາ, ຂະບວນການໃຫ້ຄຳປຶກສາ, ທັກສະການໃຫ້ຄຳປຶກສາ, ຝຶກຊ້ອມຕົວຈິງຂອງການນຳໃຊ້ຂະບວນການ ແລະ ທັກສະການໃຫ້ຄຳປຶກສາ, ພະຍາດຕິດຕໍ່ທາງເພດສຳພັນ ແລະ ການປິ່ນປົວຂັ້ນພື້ນຖານ, ກິດຈະກຳ ລົງກວດສຸຂະພາບນອກສະຖານທີ່ ແລະ ກິດຈະກຳ ໂຄສະນາຂໍ້ມູນຂ່າວສານສຸຂະພາບຈະເລີນພັນນອກສະຖານທີ່.

• ເພື່ອໃຫ້ຜູ້ເຂົ້າຮ່ວມໄດ້ຮູ້ຈັກ ແລະ ເຂົ້າໃຈຕົນເອງຫຼາຍຂຶ້ນ
• ເພື່ອໃຫ້ຜູ້ເຂົ້າຮ່ວມສາມາດມີເປົ້າໝາຍໃນຊີວິດ ແລະ ດໍາລົງຊີວິດຢ່າງມີຄວາມສຸກ