ສູນສຸຂະພາບພັດທະນາແມ່ຍິງ ແລະ ໄວໜຸ່ມ ຫຼື ສູນໄວໜຸ່ມ ໄດ້ສ້າງຕັ້ງຂື້ນມາໃນວັນທີ 7 ມີນາ 2001 ເຊິ່ງເປັນໜຶ່ງໃນໂຄງການ ຂອງສະຫະພັນແມ່ຍິງ ນະຄອນຫຼວງວຽງຈັນ ແລະ ເປັນສູນແຫ່ງທໍາອິດທີ່ສົ່ງເສີມຂໍ້ມູນຂ່າວສານສຸຂະພາບທາງເພດ, ສຸຂະພາບຈະເລີນພັນສໍາລັບໄວໜຸ່ມ. ກິດຈະກໍາຕ່າງໆໄດ້ຖືກພັດທະນາຂຶ້ນໂດຍອີງຕາມສະພາບຄວາມຕ້ອງການຂອງໄວໜຸ່ມ ໃນສະໄໝນັ້ນ ເພື່ອເປັນບ່ອນໃຫ້ໄວໜຸ່ມສາມາດໄດ້ມາເຮັດກິດຈະກໍາຮ່ວມກັນ ແລະ ບັນດາໄວໜຸ່ມໃນຕົວເມືອງໃຫຍ່ພວມປະເຊີນໜ້າກັບສິ່ງທ້າທາຍຫຼາຍບັນຫາທີ່ມັນກ່ຽວຂ້ອງກັບຄວາມຕ້ອງການດ້ານສຸຂະພາບ, ສັງຄົມ ເຊັ່ນ: ບັນຫາສິ່ງເສບຕິດ, ພະຍາດຕິດຕໍ່ທາງເພດສຳພັນ, ພະຍາດເອດ, ອຸປະຕິເຫດຕາມທ້ອງຖະໜົນ. ພ້ອມດຽວກັນນັ້ນກໍ່ໄດ້ອີງໃສ່ຜົນຂອງການສຳຫຼວດໃນໂຄງການຟັງສຽງຂອງໄວໜຸ່ມ, ໃນການສຳຫຼວດເຫັນໄດ້ວ່າ: ມີຈຳນວນໄວໜຸ່ມ ເກີນ 60% ຂອງປະຊາກອນທັງໝົດ ແລະ ພວກເຂົາໃນເວລາມີຄວາມບໍ່ສະບາຍໃຈ, ມີບັນຫາສຸຂະພາບ ພວກເຂົາຢາກມີສະຖານທີ່ເຂົ້າໄປພົບປະສົນທະນາ ແລະ ຂໍຄຳປຶກສາ ເພື່ອແກ້ໄຂບັນຫາຂອງເຂົາເຈົ້າ. ຍ້ອນເຫດ ແລະ ຜົນ ເຫຼົ່ານັ້ນ ສະຫະພັນແມ່ຍິງນະຄອນຫຼວງວຽງຈັນ ຈຶ່ງໄດ້ຂຽນບົດວິພາກ ເພື່ອຮຽນສະເໜີເຖິງທ່ານເຈົ້າຄອງນະຄອນຫຼງວຽງຈັນ ແລະ ຂຽນແຜນງົບປະມານນຳໂຄງການຕ່າງໆ ເພື່ອມາສ້າງສູນດັ່ງກ່າວນີ້ຂື້ນມາ.
ນອກຈາກນັ້ນ, ສູນໄວໜຸ່ມແມ່ນມີກິດຈະກໍາ ການໂຄສະນາຂໍ້ມູນຂ່າວສານສຸຂະພາບຈະເລີນພັນນອກສະຖານທີ່ ໃນໂຮງຮຽນ, ໂຮງງານ ແລະ ຊຸມຊົນ. ການຝຶກອົບຮົມພື້ນຖານສຸຂະພາບຈະເລີນພັນ ແລະ ການສ້າງອາສາສະໝັກ ເພື່ອນຊ່ວຍເພື່ອນ ເພື່ອສົ່ງຕໍ່ຂໍ້ມູນຂ່າວສານແກ່ໝູ່ເພື່ອນຂອງພວກເຂົາ, ການໃຫ້ຄໍາປຶກສາທາງໂທລະສັບ, ການໂຄສະນາຜ່ານສື່ອອນລາຍ (Facebook Fanpage: VWYC Fans), ຫ້ອງກວດສຸຂະພາບ ແລະ ການບໍລິການກວດສຸຂະພາບເຄື່ອນທີ່ເນັ້ນໃສ່ແມ່ຍິງ ແລະ ໄວໜຸ່ມທີ່ມີອາຍຸ 10 - 24 ປີ.
- ວິໃສທັດ: ມຸງ້ໝັ້ນທີຈະເປັນສູນທີດີເລີດໃນການໃຫ້ການບໍລິການ ສຸຂະພາບທາງເພດ /ຈະເລີນພັນ ສຳລັບແມ່ຍິງ ແລະ ໄວໜຸມ່ ທີມີອາຍຸ10 - 24 ປີ, ໂດຍຜາ່ນການສົ່ງເສີມຂໍ້ມູນຂ່າວສານ ແລະ ການບໍລິການແບບເປັນມິດ ແລະ ເໝາະສົມ.
- ພາລະກິດ: ພວກເຮົາແມ່ນ ປັບ ປຸງສຸຂະພາບທາງເພດ /ຈະເລີນພັນ ຂອງໄວໜຸມ່ ຍິງ - ຊາຍປະເທດ (10 -24 ປີ) ໂດຍຜາ່ນການໃຫ້ຂໍ້ມູນ, ການບໍລິການ ແລະ ການເຂົ້າເຖິງ ທີມີຄຸນະພາບ, ສະເໜີພາບ ແລະ ສາມາດຈ່າຍໄດ້
- ເປົ້້າໝາຍ: ເພີ່ມຈຳນວນຂອງໄວໜຸມ່ ຍິງ - ຊາຍ ອາຍຸລະຫວ່າງ 10-24 ປີທີ່ໄດ້ຮັບຂໍ້ມູນ ແລະ ການບໍລິການ ສຸຂະພາບທາງເພດ /ຈະເລີນພັນທີເປັນ ມິດ ຕໍ່ໄວໜຸມ່ທົ່ວນະຄອນຫວຼງວຽງຈັນ ກໍ່ຄືທົ່ວປະເທດລາວ, ໂດຍການປະສານງານແຜນເຮັດວຽກຂອງສູນໄວໜຸມ່ ເຂົ້າກັບຄູ່ຮ່ວມງານທັງພາຍໃນ ແລະ ຕ່າງປະເທດ.
ໂດຍມີຄູ່ຮ່ວມງານ ແລະ ໄດ້ຮັບການສະໜັບສະໜູນຈາກຫຼາຍພາກສ່ວນເພື່ອກໍ່ສ້າງ ແລະ ສ້າງຄວາມເຂັ້ມແຂງໃຫ້ແກ່ທີມງານທັງໝົດຂອງສູນເປັນຕົ້ນແມ່ນ:ໂຮງໝໍມະໂຫສົດ, ພະແນກສາທາລະນະສຸກນະຄອນຫລວງວຽງຈັນ, ກຳມະບານນະຄອນຫລວງວຽງຈັນ, ພະແນກສຶກສາ ແລະ ພະແນກສຶກສາທິການ ແລະ ກິລານະຄອນຫຼວງວຽງຈັນ ແລະ ຊາວໜຸ່ມນະຄອນຫຼວງວຽງຈັນ. ນອກນັ້ນກໍ່ຍັງມີບັນດາຄູ່ຮ່ວມງານຈາກອົງການຈັດຕັ້ງສາກົນ ແລະ ຄູ່ຮ່ວມງານຈາກຫຼາຍພາກສ່ວນເປັນຕົ້ນແມ່ນ: ອົງການEU. SCA, UNFPA, UNICEF, CARE, THE ASIA FOUNDATION, Oxfam Novib,Rotary Norridge,Child fund…..ທີ່ໃຫ້ການສະໜັບສະໜູນທາງດ້ານວິຊາການກໍ່ຄືງົບປະມານໃນການເຄື່ອນໄຫວກິດຈະກຳຂອງສູນໃນໄລຍະຜ່ານມາ.
Total views : 227480
