021-252-887

ພາລະບົດບາດ

  • ຫ້ອງກວດສຸຂະພາບສໍາລັບໄວໜຸ່ມຍິງຊາຍຂັ້ນພື້ນຖານ (ຄລີນິກໄວໜຸ່ມ) ແມ່ນໜ່ວຍງານໜຶ່ງຂອງສູນສຸຂະພາບພັດທະນາແມ່ຍິງ ແລະ ໄວໜຸ່ມ ທີ່ໃຫ້ບໍລິການໃຫ້ຄໍາປຶກສາ, ກວດ, ປິ່ນປົ່ວ ຄົນເຈັບທີ່ມາຮັບບໍລິການທາງດ້ານສຸຂະພາບທາງເພດ, ສຸຂະພາບຈະເລີນພັນ, ພະຍາດຕິດຕໍ່ທາງເພດສໍາພັນ, HIV/AIDs, ມະເຮັງປາກມົດລູກ, ໃຫ້ຄໍາປຶກສາກ່ຽວກັບວິທີການຄຸມກໍາເນີດ, ສຸຂະພາບທົ່ວໄປ ແລະ ພ້ອມທັງສົ່ງຕໍ່ຄົນເຈັບເຂົ້າເຖິງການບໍລິການທີ່ຈໍາເປັນສະເພາະດ້ານໃນກໍລະນີທີ່ຈໍາເປັນ.
  • ຂອບເຂດການໃຫ້ບໍລິການແມ່ນຢູ່ໃນ ແລະ ນອກສະຖານທີ່.
  • ເປັນຕົວແບບໃນການຂະຫຍາຍຮູບແບບການບໍລິການທີ່ເປັນມິດແກ່ເຍົາວະຊົນ ແລະ ໄວໜຸ່ມ, ດ້ວຍການສ້າງຄວາມອາດສາມາດໃຫ້ແກ່ພະນັກງານ ຜູ້ໃຫ້ບໍລິການດ້ານ ສາທາລະນະສຸກ (ແພດ, ໝໍ) ລວມທັງອາສາສະໝັກເພື່ອນຊ່ວຍເພື່ອນ ເພື່ອຊ່ວຍໃນການໃຫ້ຂໍ້ມູນເບື້ອງຕົ້ນ ໃຫ້ແກ່ພາກສ່ວນຕ່າງໆໃນຂົງເຂດບຸລິມະສິດໂດຍແນໃສ່ກົນໄກການປະສານງານ ແລະ ນະໂຍບາຍຕ່າງໆຮ່ວມກັບບັນດາກະຊວງ ແລະ ພາກສ່ວນທີ່ກ່ຽວຂ້ອງ.
  • ເປັນສະຖານທີ່ໃນການສົ່ງເສີມຂໍ້ມູນຂ່າວສານທາງດ້ານສຸຂະພາບທາງເພດ, ສຸຂະພາບຈະເລີນພັນ ໃນການປ້ອງກັນ ແລະ ເບິ່ງແຍງຕົນເອງທີ່ຖືກຕ້ອງໃຫ້ເຍົາວະຊົນ ແລະ ໄວໜຸ່ມໃຫ້ເຂົາເຈົ້າ ກາຍເປັນຜູ້ໃຫ່ຍທີ່ມີສຸຂະພາບທີ່ດີ ແລະ ແຂງແຮງ

ການບໍລິການໃນຫ້ອງກວດສຸຂະພາບໄວໝຸ່ມ

ກວດວິເຄາະ

- ຢັ້ງຢືນການຖືພາ
- ເຮສໄອວີ
- ຊີພີລິດ (VDRL)
- ກວດເລືອດລວມ ແລະ ເຄມີ ໃນຮ່າງກາຍ
- ໝວດເລືອດ
- ໜ້າທີ່ການຂອງຕັບ, ໄຂ່ຫຼັງ...
- ມະເຮັງປາດມົດລູກ
- ປູກນໍ້າຍ່ຽວ, ລົງຂາວ, ໜອງ...
- ຊຸດກວດເຮສໄອວີດ້ວຍຕົນເອງ (ທາງປາກ)

ການບໍລິການປີ່ນປົວ

- ພະຍາດໜອງໃນແທ້
- ພະຍາດໜອງໃນທຽມ
- ຊ່ອງຄອດອັກເສບຈາກເຊື້ອໂຕວ່າວ
- ຊ່ອງຄອດອັກເສບຈາກເຊື້ອຈຸລິນຊີ
- ອັກເສບທ້ອງນ້ອຍ
- ອັກເສບປາກມົດລູກ
- ພະຍາດຕຸ່ມນ້ຳໃສ
- ພະຍາດຫອນໄກ່
- ພະຍາດຊີຟີລີດ
- ເຊື້ອເຫັດເຊື້ອລາ
- ແຜຮີມອ່ອນ
-ຝີໝາກມ່ວງ
- ຫູດເຂົ້າສຸກ
- ພະຍາດຂີ້ຫິດ
- ເຫົາຂະໂມມ
- ຂີ້ກາກ
- ຂີ້ກ້ຽນ

ການບໍລິການກວດສຸຂະພາບນອກສະຖານທີ່

  • ການເຄື່ອນໄຫວລົງກວດສຸຂະພາບເຄື່ອນທີ່ແມ່ນຢູ່ຕາມໂຮງຮຽນ ແລະ ໂຮງງານທີ່ນອນໃນນະຄອນຫຼວງວຽງຈັນ. ເຊີ່ງ ໄດ້ເລີ່ມຕົ້ນແຕ່ກາງປີ 2013. ໂດຍທາງຄລິນິກ ຂອງພວກເຮົາຈະມີລົດນາງນ້ອຍ (ລົດ ກວດສຸຂະພາບ)ເພື່ອໃຫ້ການບໍລິການ ໃຫ້ຄຳປຶກສາ, ກວດ ແລະ ວິເຄາະແບບພື້ນຖານ ເພື່ອຊອກຫາຄວາມຜິດປົກກະຕິຂອງລົງຂາວໃນຜູ້ຍິງ ແລະ ພະຍາດຕິດຕໍ່ທາງເພດສຳພັນ ພ້ອມທັງຈັດຢາປິ່ນປົວໃນກໍລະນີພົບວ່າມີເຊື້ອຜິດປົກກະຕິ.
  • ມີການໃຫ້ຄຳປຶກສາກ່ຽວກັບສຸຂະພາບຈະເລີນພັນເປັນຕົ້ນແມ່ນການປ້ອງກັນການຖືພາ, ສີ່ງເສບຕິດ, ການຖືພາແບບບໍ່ໄດ້ຕັ້ງໃຈ, ການປ້ອງກັນພະຍາດຕິດຕໍ່ທາງເພດສຳພັນ, ເຮສໄອວີ/ເອດສ
  • ກິດຈະກຳກວດສຸຂະພາບນອກສະຖານທີ່ ເປັນກິດຈະກຳໜຶ່ງທີ່ສາມາດເຮັດໃຫ້ໄວໜຸ່ມເຄື່ອນຍ້າຍທີ່ມາເຮັດວຽກໃນນະຄອນຫຼວງ ຫຼື ມາອາໃສຢູ່ຕາມຫໍພັກໂຮງຮຽນ ໄດ້ເຂົ້າເຖີງການບໍລິການຢ່າງເໝາະສົມ

ການບໍລິການກວດສຸຂະພາບນອກສະຖານທີ່

009517
Total views : 227466